გულა
NPLG Wiki Dictionaries გვერდიდან
გულა – (შუამდ.) ფიზიკური სიმრთელისა და მკურნალობის ქალღვთაება, ნინურთას ღვთაებრივი მეუღლე.
გულა უნდა იყოს ნინურთას, ვითარცა ომის ღმერთის, მსხვერპლთა მკურნალი და მათი ჭრილობების დამაამებელი. როგორც ღვთაება და მკვდართა განმაცოცხლებელი, გულა ქვესკნელთან არის დაკავშირებული, რადგან ქვესკნელში იპოვება „სიცოცხლის წყალი“, თუმცა მისდამი მიმართულ ჰიმნებში იგი „მაღალი ცის ბინადრად“ არის მიჩნეული.
ბარელიეფებზე გულა გამოსახულია ტახტზე მჯდომარედ თავის საკრალურ ცხოველთან, ძაღლთან ერთად.
