ჩოროთანი
NPLG Wiki Dictionaries გვერდიდან
11:41, 19 თებერვალი 2024-ის ვერსია, შეტანილი Tkenchoshvili (განხილვა | წვლილი)-ის მიერ
ჩოროთანი – ნადუღი.
ჩოროთანის მიღების ორგვარი წესი არსებობდა. ერთი წესით, ჩოროთანს ყველის ამოყვანის შემდეგ დარჩენილი შრატით ამზადებდნენ. შრატს აადუღებდნენ – მოაჟრობდნენ და შემდეგ ჩახვში ჩაწურავდნენ. მეორე წესით – ჩოროთანს ნაღებიდან კარაქის მორეკვის შემდეგ დარჩენილი სითხის – „დოს” მოჟრობით აკეთებდნენ.
თედო სახოკია: „ზოგი მეოჯახე შრატს ადუღებს, იქიდან ხაჭოს ან, აქაურულად, ჩოროთანს იღებს”.
ლიტერატურა
სახოკია, 1985:155; სამსონია, 1986:84-85.
