აკერმანი კონრად
კონრად აკერმანი − (1710-1771), გერმანელი კომიკოსი მსახიობი და თეატრალური მოღვაწე.
თავის გმირებს და პერსონაჟებს აკერმანი ნაციონალური ფერებით, კოლორიტით ამდიდრებდა. შიონემანის დასში ყურადღება მიიქცია. ცოლად შეირთო სოფი შრიოდერი და მასთან ერთად წამოვიდა შიონემანის დასიდან. ხუთი წელი რუსეთში მუშაობდა. 1764 წლიდან აკერმანი ჰამბურგში, კოხის ადგილს იკავებს და იწყებს თეატრის შენებას. აკერმანმა ეკჰოფის დასი კიდევ უფრო გაზარდა. იგი, ეკჰოფთან ერთად, ლაიფციგის სკოლის მოწინააღმდეგეა და მსახიობის თამაშში რეალისტური ხერხების დამკვიდრებისათვის იღვწის.
აკერმანის თეატრში ხშირად იდგმებოდა ოპერები და ბალეტები, რაც დიდ თანხებთან იყო დაკავშირებული. აკერმანი გაკოტრდა, მაგრამ მას გვერდში უდგება დაბხელს უწყობს დრამატურგი ლიოვენი, რომელიც ჰამბურგის თეატრს ქმნის. აკერმანი ნაციონალური რეპერტუარის დამკვიდრებისათვის მებრძოლი ჰამბურგის თეატრის მსახიობი ხდება. ლესინგმა ეკჰოფში თანამოაზრე დაინახა. მოგვიანებით ჰამბურგის თეატრი დაიშალა და ორად გაიყო. ერთი ნაწილი, აკერმანის ხელძღვანელობით, ჰანოვერში გადადის, მეორემ კი, ეკჰოფის ხელმძღვანელობით, გერმანიაში დაიწყო მოგზაურობა.
