სხვაობა (მათემატიკა)

სხვაობა

1) გამოკლების შედეგი.

2) არითმეტიკული პროგრესიის სხვაობა.

3) ორი A და B სიმრავლის სხვაობა – A სიმრავლის ყველა იმ ელემენტის სიმრავლე, რომლებიც არ შედიან B სიმრავლეში A და B სიმრავლეთა სხვაობა აღინიშნება A \ B (ან A-B) სიმბოლოთი.

ასეთი სახელწოდება მოქმედების შედეგისათვის პირველად გამოიყენა ვიდმანმა (1489). ლაიბნიცი როგორც სასრული, ისე უსასრულოდ მცირე ნაზრდებს აღნიშნავდა d ასოთი. ამჟამად მიღებული აღნიშვნა ∆ შემოიღო ეილერმა „დიფერენციალურ აღრიცხვაში“ (1755). იქვე მის მიერ შემოთავაზებულია სასრული სხვაობისათვის აღნიშვნები: y₁ - y₀ = ∆y₀, y₂ - y₁ = ∆y₁ და ა.შ. ამ აღნიშვნების მოხერხებულობა ჩანს ადრე არსებულთან შედარებისას. მაგალითად, ტეილორი x, y, v ცვლადებისათვის პირველ ნაზრდს აღნიშნავდა სიმბოლოებით, ხოლო მეორე ნაზრდს სიმბოლოებით. მეოთხეზე ზევით ნაზრდებს მიუთითებდა ციფრებით: ლაგრანჟი (1792) იყენებდა აღნიშვნას: T₁ - T₀ = D₁, T₂ - 2T₁ + T₀ = D₂ და ა. შ.

წყარო

მათემატიკის ენციკლოპედიური ლექსიკონი