როლი (მსახიობის)

როლი

1. მხატვრული სახე, შექმნილი დრამატურგის მიერ და შესატყვისი იერსახე, განხორციელებული სპექტაკლში მსახიობის მიერ. როლი არსებობს კომედიური, ტრაგედიული, დრამატული, ტრაგიკომიკური (და ა.შ.). განასხვავებენ, აგრეთვე, მთავარ, ცენტრალურ, მეორეხარისხოვან, ეპიზოდურ და უსიტყვო როლებს.
2. პიესის თითოეული მოქმედი პირის სრული ტექსტი.
3. კინოში კინოდრამატურგის მიერ სცენარში შექმნილი ლიტერატურული სახე. რომლის ტექსტი, რომელსაც ავტორი გვთავაზობს დიალოგის, მონოლოგის ან რემარკას სახით, განსაზღვრავს მოქმედი გმირის ხასიათსა და ქცევას. მის დამოკიდებულებას სხვა პერსონაჟებთან და სცენარისეულ ამბებთან. ამ ტექსტის საფუძველზე მსახიობი ქმნის კინოში მხატვრულ სახეს.

იხილე აგრეთვე

• ეპიზოდური როლი
• მთავარი როლი

წყარო

• მსოფლიო თეატრის ენციკლოპედიური ლექსიკონი
• ხელოვნების განმარტებითი ლექსიკონი