ონაგატა
NPLG Wiki Dictionaries გვერდიდან
16:16, 28 აპრილი 2023-ის ვერსია, შეტანილი Tkenchoshvili (განხილვა | წვლილი)-ის მიერ
ონაგატა, (ოიამა) – (იაპ.. 女形 ან 女方), აქტიორული ამპლუა მამაკაცი მსახიობისა, რომელიც ქალის როლებს ასრულებს. გავრცელდა 1629 წლიდან, როდესაც კაბუკის თეატრში (ონა კაბუკი) გააუქმეს ქალების დასები და ქალებს საერთოდ აეკრძალათ სცენაზე გამოსვლა. ონაგატა საბოლოოდ ჩამოყალიბდა 1652 წელს, მას შემდეგ, რაც გაუქმდა კაბუკის ქალთა დასები და ქალების როლების შესრულება მიენდოთ ჭაბუკებს (ვაკასიუ-კაბუკი). ონაგატას ამპლუის წამყვან მსახიობს ეწოდება ტატეოიამა და დასში მას საპატიო ადგილი უჭირავს.