პულჩინელა
NPLG Wiki Dictionaries გვერდიდან
00:08, 10 მარტი 2023-ის ვერსია, შეტანილი Tkenchoshvili (განხილვა | წვლილი)-ის მიერ
პულჩინელა – (იტალ. pulcinella), იტალიურ „კომედი დელ არტეს“ პერსონაჟი. პულჩინელას ნიღაბი გაჩნდა სამხრეთ იტალიაში (ნეაპოლში) XVI საუკუნის მიწურულს მასში შერწყმული იყო პირველი და მეორე „ძანის“ ნიშან-თვისებები; დონდლო, სოფლელი ღორმუცელას ქერქეტობა, გულუბრყვილობა და ქალაქელი მდაბიოს მოხერხებულობა, გონებამახვილობა. არლეკინთან ერთად პულჩინელა ყველაზე პოპულარული ნიღაბია. პულჩინელას ტრადიციული გარეგნობაა კუზი, დიდი მოკაუჭებული ცხვირი; ტანსაცმელი – უხეში ქსოვილისაგან შეკერილი, თავზე – წაწვეტებული ქუდი.