გაბრიელ (რკინაელი)

გაბრიელი (რკინაელი, XI ს.) საეკლესიო მოღვაწე. წყაროსთავის მონასტრის მონაზონი. იხსენიება ეფთვიმე გრძელის მოწაფის ეგნატე ხუცესმონაზვნის (1089-1091) ანდერძში, რომელიც ერთვის მის მიერ გადაწერილ იოანე ოქროპირის მათეს სახარების თარგმანებას (A-136). გაბრიელს ეგნატესათვის დიდი დახმარება გაუწევია ამ სამუშაოს შესრულებაში: „მოგჳჴსენეთ... ყოველნი და მოძღუარი გაბრიელ რკინაელი, კეთილისა მასწავლელი ჩემი და სულიერი ძმაჲ ჩემი იგი, რომელმან ამა შრომასა შინა მმსახურა“. (A-136, 392 r-v).

ლიტერატურა

საქართველოს მართლმადიდებელი ეკლესიის ენციკლოპედიური ლექსიკონი, ე. გაბიძაშვილის რედ., თბ., 2007.

წყარო

საქართველოს მართლმადიდებელი ეკლესია:ენციკლოპედია