აქციონერი
NPLG Wiki Dictionaries გვერდიდან
12:06, 30 ნოემბერი 2022-ის ვერსია, შეტანილი Tkenchoshvili (განხილვა | წვლილი)-ის მიერ
აქციონერი - (stockholder, shareholder) [<ფრანგ. acctionaire] - პირი, რომელიც აქციონერთა საზოგადოების წევრი ხდება მისი აქციის ან აქციების შეძენის საფუძველზე. აქციონერი სარგებლობს გარკვეული უფლებებით. კერძოდ, მას უფლება აქვს მონაწილეობა მიიღოს საზოგადოების საქმიანობის მიმართულებების განსაზღვრაში, აირჩიოს ან არჩეული იქნეს აქციონერული საზოგადოების ხელმძღვანელად, მიიღოს მისი მოგების ნაწილი დივიდენდის სახით, რომელიც ყოველწლიურად გაიცემა აქციებზე გადასახადების გადახდისა და რეზერვების შევსების შემდეგ, უფლება აქვს მიიღოს ქონების ნაწილი (აქციების ღირებულების სიდიდის მიხედვით) აქციონერული საზოგადოების ლიკვიდაციის შემთხვევაში და ა.შ.
