ჟესტი
NPLG Wiki Dictionaries გვერდიდან
12:27, 24 ნოემბერი 2022-ის ვერსია, შეტანილი Tkenchoshvili (განხილვა | წვლილი)-ის მიერ
ჟესტი – (Fr. geste), სხეულის, უპირატესად, ხელების მოძრაობა, რომელიც თან ახლავს ლაპარაკს ან ენაცვლება მას. ჟესტი რეფლექსური ან გააზრებული ხასიათისაა, წარმოადგენს ერთ-ერთ მნიშვნელოვან გამომხატველ საშუალებას თეატრში. დრამატული მსახიობის ხელოვნებაში ჟესტი ან უსიტყვო მოქმედებაა, ანდა დამატება სიტყვიერი მოქმედებისა. მსახიობის ხელოვნების მნიშვნელოვანი ელემენტი − ჟესტი ერთ მთლიანობაში უნდა იყოს შემსრულებლის თამაშის საერთო სტილთან. ჟესტის ხასიათს განაპირობებს სპექტაკლის ჟანრული სპეციფიკა (ტრაგედია, ყოფითი პიესა, კომედია-გროტესკი და ა. შ.).