დეპოზიტი

დეპოზიტი − (deposit) (<ლათ. depositum შესანახად გაცემული ნივთი)

1. შესანახად შეტანილი ფულადი სახსრები ან ფასიანი ქაღალდები საფინანსო-საკრედიტო, ადმინისტრაციულ და საბაჟო ორგანიზაციებში;
2. მოვალის მიერ სასამართლო დაწესებულებებში კრედიტორისათვის გადასაცემად შეტანილი ფულადი თანხა ან ფასიანი ქაღალდები. დეპოზიტია: ანაბრები ბანკებში, ფასიანი ქაღალდები საფინანსოსაკრედიტო ინსტიტუტებში, შენატანები გადასახადის, ბაჟის და ა.შ. სახით და სხვ.

დეპოზიტი მოთხოვნამდე

(sight deposit (bill) - საბანკო ანაბარი, რომლის გამოტანაც მოთხოვნისთანავე შეიძლება.

დეპოზიტი მოკითხვამდე

(demand deposit, deposit money) - ანაბრის სახით მოკითხვამდე ბანკში შენახული ფულადი სახსრები.

წყარო

თანამედროვე ეკონომიკის ენციკლოპედიური ლექსიკონი