ციხესიმაგრე
ციხესიმაგრე – სამხედრო თვალსაზრისით მნიშვნელოვანი გამაგრებული პუნქტი (ქალაქი) მუდმივი გარნიზონით, რომელსაც შეუძლია ხანგრძლივი თავდაცვა ბლოკადის პირობებში.
პირველი პრიმიტიული ციხესიმაგრეები, შემოღობილი დასახლებების სახით, გვაროვნული წყობილების ხანაში გაჩნდა. მნიშვნელოვანი როლი ენიჭებოდა ციხესიმაგრებს მონათმლობელური და ფეოდალური სახელმწიფოების ომებში. I მსოფლიო ომის დასაწყისისათვის ევროპაში 150-მდე სხვადასხვა ციხესიმაგრე იყო. დიდი ციხესიმაგრის გარნიზონი მშვიდობიანობის დროს 40–50 ათ. კაცს ითვლიდა, ომის დროს – 100 ათ-ს. 1920- იანი წლებიდან ციხესიმაგრეები შეიცვალა სიმაგრეების ახალი ტიპით – გამაგრებული რაიონებითა და გამაგრებული ხაზებით.
იხილე აგრეთვე
წყარო
ქართული სამხედრო ენციკლოპედიური ლექსიკონი. აკადემიკოსის, გენერალ–მაიორ ელგუჯა მეძმარიაშვილის საერთო რედაქციით, – თბილისი 2017