მოსაპირკეთებელი ფილა
NPLG Wiki Dictionaries გვერდიდან
მოსაპირკეთებელი ფილა – კედლის, იატაკის და შიდა მოპირკეთებისათვის არსებობს კვადრატული და სხვადასხვა შეფარდების მქონე გვერდებიანი ოთხკუთხა, აგრეთვე ექვსკუთხა, რვაკუთხა ფილები. ამასთანავე, მზადდება ნახევრები, ფასონური ნაწილები გარე და შიგა კუთხეებისათვის, პლინთუსებისათვის, ლავგარდნებისათვის, კარნიზებისათვის.
დანიშნულებისა და მასალის მიხედვით შეიძლება იყოს ქვიშაცემენტის, კერამიკული, მეტლახის, მომინანქრებული, მოჭიქული, მოზაიკური, მინის, ბუნებრივი ქვის, მინაკერამიკის, ხის, ფოლადის, თუჯის, რეზინის, პოლივინილქლორიდის, პოლისტირენისა და სხვა.