გუმბათი

სანტა მარია დელ ფორეს ტაძრის გუმბათი.
ბრუნელესკი, ფლორენცია 1420-1436 წ.

გუმბათი - (ეტიმ. გვიანლათ. cupula, კნინობითი ფორმა სიტყვისა cupa „თაღი“), კამაროვანი გადახურვა, რომელსაც შიგნიდან ნახევარსფეროს შეზნექილი ზედაპირის სახე აქვს, იხმარება კვადრატული, მრგვალი ან მრავალწახნაგა სადგომების გადასახურავად.

გუმბათს სახეები

1. ცრუ გუმბათი – გუმბათი, რომელიც არ იწვევს განბრჯენას და რომელსაც ქმნის ქვის წყობის ჰორიზონტალური რიგების თანმიმდევრული წინ წამოწევა.
2. ბოლქვისებრი გუმბათი – ფორმის მიხედვითჰგავს ბოლქვს და ჩვეულებრივ ეყრდნობა ცილინდრული გუმბათის ყელს გავრცელებულია რუსულ ხუროთმოძღვრებაში.
3. აფრიანი გუმბათი – აფრებზე დაყრდნობილი გუმბათი.
4. სფერული გუმბათი – ნახევარსფეროს ფორმის გუმბათი.
5. სფერულ-კონუსური გუმბათი – განიკვეთში ისრული თაღის მოხაზულობის მქონე გუმბათი.
6. კარვისებრი გუმბათი – პირამიდის ფორმის გუმბათი.
7. მუზარადისებრი გუმბათი – კონუსის ფორმის გუმბათი.

იხილე აგრეთვე

ქოლგისებრი გუმბათი

წყარო

ხელოვნების განმარტებითი ლექსიკონი