ჰერმა
NPLG Wiki Dictionaries გვერდიდან
17:14, 24 აგვისტო 2021-ის ვერსია, შეტანილი Tkenchoshvili (განხილვა | წვლილი)-ის მიერ
ჰერმა – ბერძნ. ოთხწახნაგოვანი სვეტის დამაგვირგვინებელი სკულპტურული ბიუსტი;
უძველეს ხანებში გავრცელებული იყო მნიშვნელოვან ადგილთა შემოსაზღვრის ტრადიცია: ადამიანი გარკვეული ფუნქციის მქონე ადგილის მონახულების შემდეგ ტოვებდა ქვას თავის იქ ყოფნის აღსანიშნავად. ზოგჯერ ამ ქვას ფალოსის ფორმა ჰქონდა და იგი აღმართულ სვეტს ემსგავსებოდა. სვეტმა თანდათან შეიძინა ოთხკუთხედის ფორმა, რომელიც ფალოსით ბოლოვდებოდა, ხოლო მის წვერზე გამოჩნდა წვერებიანი ღვთაების გამოსახულება. ეს იყო გზათა და მოგზაურთა მფარველი ღმერთი ჰერმესი. შესაბამისად, ასეთ ქანდაკებებს ჰერმესები ეწოდებოდათ. მოგვიანებით, წვერებიანი ჰერმესი უწვერულმა ჰერმესმა შეცვალა. ატიკაში გზებზე ყოველი ათასი წყვილი ნაბიჯის შემდეგ დგამდნენ ჰერმებს, რომლებზეც ხშირად წარწერებსაც აკეთებდნენ.