არაშენდის მთავარანგელოზის ეკლესია
არაშენდის მთავარანგელოზის ეკლესია - არქიტრქტურული ძეგლი გორის მუნიციპალიტეტში, დგას სოფელ არაშენდის სამხრეთ–აღმოსავლეით, მთაზე. თარიღდება განვითარებული ფეოდალური, ხანით.
აღწერილობა
ეკლესია დარბაზულია (9,2X5,3 მ), ნაგებია რიყის ქვით. შენობის კუთხეები, პილასტრები, კარ-სარკმლის საპირეები, ლავგარდანი და თაღები თლილი ქვისაა, გარედან სწორკუთხა, შიგნიდან თაღოვანი შესასვლელი სამხრეთ კედლის დასავლეთ ნაწილშია ნახევარწრიული აფსიდის ღერძზე ვიწრო სარკმელია, მის მარცხენა მხარეს – თაღოვარნი ნიში. აფსიდის სარკმლის ქვეშ სატრაპეზო ქვა დგას, საკურთხევლის წინ – ქვის კანკელი, რომელსაც თაღოვანი შესასვლელი აქვს. მისგან მარცხნივ შეისრული ფორმის ნიშია, სამხრეთ და დასავლეთ კედლებში შიგნიდან სწორკუთხა და გარედან თაღოვანი სარკმლებია. კამარის საბჯენი თაღი გრძივი კედლების წყვილ ორსაფეხურიან პილასტრებს ეყრდნობა. ეკლესია შიგნით შელესილია.
სამხრეთ ფასადზე, შესასვლელის არქიტრავზე, გამოსახულია ტოლმკლავებიანი ჯვარი, აღმმოსავლეთის ფასადის ფრონტონის თავზე ქვისგან გამოკვეთილი ცხვრის თავი დგას. შენობას შემოვლებული აქვს თაროსებრი ლავგარდანი. სახურავი ორფერდაა, გადახურულია ქვის ფილებით.
ბიბლიოგრაფია
- 1. არაშენდა //საქართველოს ისტორიის და კულტურის ძეგლთა აღწერილობა.ტ.5.-თბ.,1990.-გვ.43-44.
სოფ.არაშენდაში მდებარე ხუროთმოძღვრული ძეგლების: მთავარანგელოზის დარბაზული ტიპის ეკლესიისა და ფერიცვალების ეკლესიის (იგივე ღვთისმშობლის) მოკლე ხუროთმოძღვრული დახასიათება. მოცემულია საილუსრტაციო მასალა.
- 2. მეგრელიძე ი. ლიახვის ხეობის წარწერები და სხვა სიძველენი //მაცნე.-1966.-N3.-გვ.248-249.
მოკლე ცნობები სოფ. არაშენდაში მდებარე ორი ეკლესიის (ფერიცვალებისა და მთავარანგელოზის) შესახებ.
- 3. არაშენდა /საქართველო:ენციკლოპედია.-თბ.,1997.-გვ.188.
მოკლე ცნობები სოფ.არაშენდაში მდებარე ორი ეკლესიის-მთავარანგელოზისა და ფერიცვალების შესახებ.
