შალვა აბრამიშვილი

შალვა აბრამიშვილი - (26. 08. 1903, დაბა თიანეთი – 05. 04. 1973, ქ. თბილისი), ქართველი მხატვარ-რესტავრატორი, ასლების გადამღები, საქართველოს ხელოვნების დამსახურებული მოღვაწე (1961).

დაამთავრა თბილ. სამხატვრო აკადემია (1929). 1930 წლიდან მუშაობდა მხატვარ-რესტავრატორად. აღადგინა შუა საუკუნეების ქართული კედლის მხატვრობის მრავალი მნიშვნელოვანი ძეგლი (ალავერდი, გელათი, ყინწვისი, ვარძია, ვანის ქვაბები, უდაბნო, წალენჯიხა, კორცხელი, ნეკრესი, სამთავისი, სამთავრო). მისივე ხელმძღვანელობით მოიხსნა და საგანგებოდ - იქნა დაცული წილკნისა და ზედაზნის ფრესკები, სვეტიცხოვლის მხატვრობის ნაწილი.

თ. ხოშტარია

იხილე აგრეთვე

შალვა აბრამიშვილი