ფრინტა

17:21, 3 ოქტომბერი 2019-ის ვერსია

ფრინტა

ფრინტა – (Anemone fasciculate [L.] Ziman & fedor. Ziman & Fedor. = Anemone narcissiflora subsp. faciculata [L.]); ოჯახი: ბაიასებრნი (Ranunculaceae). მრავალწლიანი ბალახოვანი მცენარეა, 15-20 სმ სიმაღლისა. ღერო სწორად მდგომია, ძირი ძველი ფოთლებისა და ყუნწების ნარჩენებითაა დაფარული. ფოთლები ზემოდან ძარღვების გაყოლებით ხშირბეწვიანია. ქვემოდან მთლიანად გაფანტული ბეწვით არის მოფენილი. ფესვთანური ფოთლები გრძელყუნწიანია. მოხაზულობით თირკმლისებურ-გულისებური, 5 ან 3 დიდი ზომის მჯდომარე სეგმენტად გაყოფილი. თითოეული სეგმენტი შუამდეა სამად გაყოფილი და მოგრძოკბილებიან 3 ნაწილადაა განკვეთილი. ყვავილები მარტივ ქოლგებადაა შეკრებილი. ყვავილსაფრის ფოთლები თეთრია, იშვიათად – ვარდისფერი ან მეწამული. ყვ. ნაყ. V-VIL გავრცელებულია მთელ მაღალმთიან კახეთში, აგრეთვე დანარჩენ საქართველოში. ნახვა შესაძლებელია კახეთის კავკასიონზე სუბალპურ სარტყელში, პრაქტიკულად, ყველგან.

წყარო

კახეთის რეგიონის მცენარეები