ვიეტნამი

14:31, 14 დეკემბერი 2017-ის ვერსია

ვიეტნამი - (Vietnam - ვიეტნამის სოციალისტური რესპუბლიკა), სახელმწიფო სამხრეთ-აღმოსავლეთ აზიაში, ინდოჩინეთის ნახევარკუნძულზე. ქვეყნის მთელი აღმოსავლეთი ნაწილი შემოსაზღვრულია სამხრეთ ჩინეთის ზღვით.

ფართობი - 332 ათ. კმ².

მოსახლეობა - 89 მლნ. კაცი (2012).

ოფიციალური ენა - ვიეტნამური.

დედაქალაქი - ქ. ჰანოი.

ადმინისტრაციულად იყოფა 57 პროვინციად და 4 ცენტრალური დაქვემდებარების ქალაქად.

უმაღლესი და საკანონმდებლო ორგანოა ერთპალატიანი ეროვნული კრება.

აღმასრულებელი ორგანოა მთავრობა.

ეკონომიკის საფუძველს წარმოადგენს სოფლის მეურნეობა, მძიმე მრეწველობა (სამთომოპოვებითი, მანქანათმშენებლობა, ფერადი მეტალურგია, ქიმიური, ხის დამუშავება და მსუბუქი მრეწველობა).

მთავარი პორტებია: ხოშიმინი, ჰაიფონი.

საერთაშორისო აეროპორტებია: ჰანოი, ხოშიმინი.

შეიარაღებული ძალები საერთო შემადგენლობით 453 ათ. კაცი (2012), სახმელეთო ჯარები 410 ათ., სამხედრო-საზღვაო 13 ათ. და სამხედრო-საჰაერო ძალები 30 ათ. რეზერვი 4 მლნ. კაცი. შეიარაღებული ძალების დაკომპლექტება ხორციელდება გაწვევით.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი,2017