გაბაშვილი იოსები

23:40, 18 იანვარი 2023-ის ვერსია

იოსები გაბაშვილი – (გ. 20.02.1778), კალიგრაფი, პოეტი, გადამწერი, ზაქარია გაბაშვილის უფროსი ვაჟი. დაბადების თარიღი უცნობია. 1763 წ. იგი მამასთან ერთად შეაჩვენეს, როგორც მისი იდეების თანამოზიარე. გასამართლების დროს (1764), ის 25-26 წლისა მაინც იქნებოდა, ე.ი. იოსები დაბადებული უნდა იყოს 30-იანი წლების ბოლოს. პატიმრობიდან გათავისუფლების შემდეგ იოსები მამასთან ერთად ჩავიდა იმერეთში და 1776 წლისთვის სახლთუხუცესის თანამდებობა დაიკავა.

იოსები საკმაოდ განათლებული და პოეტური ნიჭით დაჯილდოებული პიროვნება ყოფილა. მისი ანბანთქება „აღვკაზმე ასე ასპიროზ“ პოპულარული ლექსი იყო XVIII-XIX სს. საქართველოში. ამასთან იგი გაწაფული კალიგრაფი და საიდუმლო დაწერილობის მცოდნეც ყოფილა.

წყარო

საქართველოს მართლმადიდებელი ეკლესია:ენციკლოპედია