აბეკასისი გი

16:36, 29 მარტი 2017-ის ვერსია

გი აბეკასისი - (ფრ. ABEKASIS GUI) XX საუკუნის ფრანგი დრამატურგი.

გი აბეკასისი დაიბადა 1930 წელს. მისმა პირველმა პიესამ „სხვათა სისხლი“ 1955 წელს ახალგაზრდა თეატრალური ჯგუფების კონკურსში პირველი პრემია მიიღო.

1955 წლიდან 1967 წლის ჩათვლით გი აბეკასისი მუშაობს თარჯიმან-გიდად. იმავე წლებში რამდენჯერმე იმოგზაურა მსოფლიოს გარშემო. სწორედ ამ პერიოდის ცხოვრებისეული გამოცდილება აისახა მის ორ იუმორისტულ წიგნში: „ასობით ჩემოდანი სახურავზე“ და „უცნაური პლანეტა“, რომელთა ილუსტრაციაც ცნობილმა კარიკატურისტმა მოზმა გააკეთა.

დრამატული ნაწარმოებებიდან მისი ყველაზე ცნობილი პიესებია: „უცნობი რანგუნიდან„ (1967) და „ავტომატები“ (1979), რომლებიც მრავალ ენაზეა თარგმნილი და განხორციელებულია საფრანგეთის, გერმანიის, იტალიისა და საბერძნეთის ტელევიზიების მიერ.

წყარო

• XX საუკუნის ფრანგი დრამატურგები და თეატრის თეორეტიკოსები: [ცნობარი / შეადგინა ლევან ხეთაგურმა]. - თბ., 1998. - 111გვ.; 21სმ