საბურულე ფოლადი

საბურულე ფოლადი – მცირედ ლეგირებული ფოლადისაგან დამზადებული ფურცლები სისქით 0,25-2 მმ. კოროზიისგან დაცვის მიზნით ხშირად ფარავენ თუთიის თხელი ფენით (მოთუთიებული ფოლადი). მომხმარებელს მიეწოდება ფურცლების ან გოფრის სახით.

ნახშირბადმცირე ფოლადისაგან დამზადებული თხელი ფურცლოვანი მასალა სისქით 0,25-2 მმ, რომელიც გამოიყენება შენობათა ბურულის მოსაწყობად, ასევე ლითონის ტარისა და საყოფაცხოვრებო ნივთების დასამზადებლად. კოროზიისაგან დასაცავად მიმართავენ ნამზადის ზედაპირის მოთუთიებას. მზადდება ფურცლების ან რულონების სახით ცხელი ან ცივი გლინვის მეთოდით.

წყარო

სამშენებლო ენციკლოპედიური ლექსიკონი