ენის გასატეხი
NPLG Wiki Dictionaries გვერდიდან
ენის გასატეხი – საბავშვო ფოლკლორის ერთ-ერთი სახე. მას ხშირად ჩქარა გამოსათქმელსაც უწოდებენ. ეის გასატეხიის ძირითად სპეციფიკას წარმოსათქმელი ფრაზის სიძნელე წარმოადგენს. აგებულია სიტყვათა თამაშზე. ენის გასატეხი ემყარება მსგავსი ბგერების ერთობლიობას („ბაყაყი მყაყე ჭაობში, ბაყბაყებს ბაყბაყ მდევივით“) ან ერთი ძირიდან ნაწარმოები სიტყვების გამოყენებას („რიონი ნარიონალში, ნიორი ნანიორალში“). ჩვეულებრივ, არჩევენ რთული აღნაგობის ძნელად წარმოსთქმელ თანხმოვნებიან სიტყვებს. ჩქარა გამოსათქმელთა მნიშვნელობა ბავშვის მეტყველების გამართვასა და გართობაში მდგომარეობს.
ფ. ზანდუკელი
ლიტერატურა
- ქს. სიხარულიძე, საბავშვო ფოლკლორი, 1938;
- ფ. ზანდუკელი, სა–ბაეშვო პოეზიის ძირითადი სახეები, „ქართულა ფოლკლორი“, ტ. III, 1969.
