ევპოლიდე
NPLG Wiki Dictionaries გვერდიდან
ევპოლიდე – (ძვ. ბერძ. Ευπολις დაახლ. 446-411 ძვ.წ.), ძველბერძენი დრამატურგი, ძველი ატიკური კომედიის თვალსაჩინო წარმომადგენელი. დაწერა მამხილებელი კომედიები (მათ შორის: „მლიქვნელები“, „ქალაქები“, „მარიკანტი“, „ოქროს საუკუნე“ და სხვ.), საიდანაც შემორჩა მხოლოდ ფრაგმენტები. შედარებით სრულად შემონახულია კომედია „დემები“, სადაც ასახულია მისი უტოპიური იდეალები.