დისტონია
NPLG Wiki Dictionaries გვერდიდან
დისტონია - არის არაკონტროლირებადი, ლოკალური კუნთთა სპაზმი, რომელიც იწვევს წარბების, სახის, კისრის, ყბის, ყელის, მხრების, ხელებისა და, უფრო იშვიათად, სხეულის სხვა ნაწილების უნებლიე მოძრაობებს. ეს ნიშნები იშვიათია; ხოლო მათი არსებობა გამოხატული უნარშეზღუდულობის განვითარებას უწყობს ხელს. ეტიოლოგია უცნობია. ადრე მას კონვერსიულ ფენომენად მიიჩნევდნენ. ამჟამად არსებობს მყარი მტკიცებულება იმისა, რომ დისტონია გენეტიკური, იდიოპათიური ან წამლის მიღებით გამოწვეული ნევროლოგიური დარღვევაა და იშვიათადაა განპირობებული ფსიქოგენური მიზეზებით (Trost, 2003).
დისტონიის კლინიკური ტიპებია: ბლეფაროსპაზმი, ტორტიკოლისი (დაგრეხილი კისერი), ხელის დისტონია („მწერლის სპაზმი”) და ლარინგეალური დისტონია.
