სიმრუდე წირის
სიმრუდე წირის – წირის ლოკალური მახასიათებელი, რომელიც ტოლია მიმხები წრეწირის რადიუსის სიდიდის შებრუნებული სიდიდისა.
წრფის სიმრუდე ნულის ტოლად ითვლება.
L წირის MN რკალის M წერტილში გავლებული MP მხებისაგან გადახრა შეიძლება დავახასიათოთ ამ რკალის ე. წ. საშუალო სიმრუდით Kსაშ, რომელიც განისაზღვრება M და N წერტილებში გავლებულ მხებებს შორის მდებარე α კუთხისა და MN რკალის ΔS სიგრძის ფარდობით, ე. ი. Kსაშ = α/ΔS.
L წირის სრული K სიმრუდე M წერტილში ეწოდება ზღვარს
- K = lim Kსაშ = lim (α/ ΔS), როდესაც N → M, ანუ ΔS→ 0.
ს ი ბ რ ტ ყ ე ზ ე: თუ L წირი წარმოადგენს y = f(x) ფუნქციის გრაფიკს, მაშინ ამ წირის K სიმრუდე გამოითვლება ფორმულით:
თუ L წირი მოცემულია პარამეტრული სახით: x=x(t), y=y(t), მაშინ
პოლარულ კოორდინატებში r = r(φ):
სივრცეში: x = x(t), y = y(t), z = z(t):
საზოგადოდ, წირის სიმრუდე რკალის S სიგრძის ფუნქციაა. თუ ორი ბრტყელი წირის K1 და K2 სიმრუდე, როგორც რკალის სიგრძის ფუნქცია, ერთნაირია (K1 = K2), მაშინ წირებს ეწოდებათ კონგრუენტული. ისინი შეიძლება შევათავსოთ. ამიტომ, ბრტყელი წირის K სიმრუდეს, როგორც რკალის სიგრძის ფუნქციას, ჩვეულებრივ უწოდებენ ამ წირის ნატურალურ განტოლებას.
სიმრუდის შებრუნებულ R სიდიდეს (R=1/K) ეწოდება L წირის სიმრუდის რადიუსი აღებულ წერტილში.
სივრცითი L წირის სიბრტყისაგან გადახრის დასახასიათებლად განსაზღვრულია ე. წ. გ რ ე ხ ა, რომელსაც ზოგჯერ მეორე სიმრუდესაც უწოდებენ.