მწვავე სტრესული რეაქცია
სტრესული რეაქცია მწვავე - (F43.0), (stress reaction, acute), ინდივიდის ტრანზიტული აშლილობა, სხვა ფსიქიკური დაავადების აშკარა ნიშნების გარეშე, რომელიც მხოლოდ და მხოლოდ ფიზიკური ან ფსიქიკური სტრესის საპასუხოდ ვითარდება და რამდენიმე საათში მთავრდება. მწვავე სტრესული მგდომარეობის განვითარებასა და სიმძიმეში ინდივიდუალური სისუსტე და სტრესთან გამკლავების შესაძლებლობა დიდ როლს თამაშობს.
ჩვეულებრივ, სიმპტომები, რომლებშიც შედის გონებისა და ყურადღების შემცირებით დახასიათებული დაბნეულობის მდგომარეობა, სტიმულების გააზრების შეუძლებლობა, დეზორიენტირება შერეულ და ცვალებად სურათს ქმნის. ეს მდგომარეობა, შესაძლოა, გარე სიტუაციიდან წასვლით (დისოციაციური სტუპორის ჩათვლით) ან პირიქით – აჟიტაციითა და ჰიპერაქტიურობით (გაქცევის რეაქცია ან ფუგა) დასრულდეს ჩვეულებრივ, აღინიშნება პანიკური შფოთვის ვეგეტატიური ნიშნები (ტაქიკარდია, ოფლიანობა, სასის აწითლება). სიმპტომები, როგორც წესი, სტრესული სტიმულატორის მოქმედების შემდეგ რამდენიმე წუთში ვლინდება და 2-3 დღეში მთავრდება (უფრო ხშირად რამდენიმე საათში). შესაძლოა აღინიშნოს ეპიზოდის სრული ან ნაწილობრივი ამნეზია.
