გურგენიშვილი ოთო
NPLG Wiki Dictionaries გვერდიდან
(გადმომისამართდა ოთო გურგენიშვილი-დან)
გურგენიშვილი ოთო – (1993 – 2014), პოეტი. დაიბადა გურჯაანში, ბოლო წლებში კი რუსთავში ცხოვრობდა; 2014 წლის 29 ივლისს რუსთავში გზაზე გადასვლისას, ავტოავარიას მან ახალგაზრდა გოგონა საკუთარი სიცოცხლის ფასად გადაარჩინა.
- მიყვარხარ (სიცილიური აქცენტით )
- ვენეციაში რომ ვსეირნობდით,
- ჯანკო ბარონის ფუნჯით მოგხატე.
- სიცილიელი მხატვრის პალიტრით,
- ტუჩებს, კოცონის ალი მოვხადე.
- ვიწრო ქუჩების ჯებირთა ხაზი,
- გამოეკიდა ნავებს სვიარებს,
- თოლიამ ფრთები გაშალა ნაზი
- მენიჩბე ცაში, ნიჩბით სრიალებს.
- დალალ-მერების მწველი იარა,
- ტრფობით მფეთქავი სულის კვალია,
- რომში ნაპოვნი გრძნობა კი არა,
- შენი სიცოცხლე, ჩემი ხალია.
- იტალიური სუნის დასაბამს,
- ვენეციური ამბორი ჰქვია,
- ჩვენი ცხოვრების განვლილ ნასახლარს,
- თვალს ვერ უსწორებს პრინცი პოს ტყვია.
- თხუთმეტი ცენტი ფრანცო ფერდინანდ,
- აღსდექით მკვდრეთით, გვაკურთხეთ წყვილად,
- ცხრამეტი ცენტი დიდო მეუფევ,
- მე მომიტევეთ,ვიყვარებ ფრთხილად.
- რომის ხედებით ვტკბებოდით ღამით,
- ბაგეზე ლაჟვარდს გწვავდა პომადა,
- ტანგოც ვიცეკვეთ ფიქრებში წამით,
- სმენას ჩამორჩა ტრფობის სონატა.
- იტალიური მაქმანი გეცვა,
- მკერდით მითბობდი ლოყას,მიწიერს.
- შენი ტუჩები ამბორად მეცვა,
- უშენოდ, ჩაიც ფილტვებს მიციებს.