ვაზის ნაცრისფერი სიდამპლე
ვაზის ნაცრისფერი სიდამპლე - ვაზი ყურძნის ნაცრისფერი სიდამპლით თითქმის ყველა სტადიაში ავადდება. ყურძნისთვის საშიშია, როდესაც მტევანი ავადდება.
ნაცრისფერ სიდამპლეს ყველაზე დიდი ზიანის მოტანა შეუძლია ყურძნის სიმწიფის პერიოდში. მარცვალზე ჩნდება ყავისფერი ლაქები, რომლებიც შემდეგში მთელ მარცვალს ედება და იფარება ღია ყავისფერი ფიფქით. დაავადების განვითარების ერთ-ერთი ხელშემწყობი პირობაა მაღალი ტენი, მის განვითარებას ხელს უწყობს, აგრეთვე, სეტყვა, ყურძნის ჭია, ნაცარი, ჭრაქი და სხვა.
ნაცრისფერი სიდამპლის განვითარება იწყება ყვავილობის ფაზაში, შემდეგ გადადის ფარულ მდგომარეობაში, იგი რჩება ყურძნის მარცვლის შიგნით და შემდეგ თავს იჩენს ყურძნის სიმწიფეში შესვლიდან, როცა მისი განვითარებისა და გამრავლებისთვის შესაფერისი პირობებია. ზოგჯერ პირველი დაზიანება ყურძნის სიმწიფის დაწყების პერიოდში ხდება.
მკურნალობა
პირველი წამლობა ტარდება ყვავილობის წინ სისტემური ფუნგიციდით, ხოლო მეორე წამლობა – შეთვალებისას ან სიმწიფის დაწყებისას სისტემური ფუნგიციდებით კანტურსი, სვიტჩი, ხორუსი და ა.შ.
წყარო
ჟურნალი „აგრო ბაზისი“; 2016, №5. სტატია: „ვაზის აგროტექნიკური ღონისძიებები და მისი ძირითადი დაავადება-მავნებლები“; ავტორი: ვერა შინჯიკაშვილი.