მერი მუხაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1938 წელს.

1938–1942წწ. იყო თბილისის სახელმწიფო სამედიცინო ინსტიტუტის მიკრობიოლოგიის კათედრის ასპირანტი, ასისტენტი; 1942–1988წწ. ჰემატოლოგიისა და სისხლის გადასხმის სამეცნიერო კვლევითი ინსტიტუტის მიკრობიოლოგიური ლაბორატორიის ხელმძღვანელი; 1989–1995წწ. მთავარი მეცნიერ–თანამშრომელი; 1996 წლიდან ამავე ინსტიტუტის კონსულტანტი. ავტორია 195 სამეცნიერო ნაშრომის. მისი ხელმძღვანელობით დაცულია 5 საკანდიდატო დისერტაცია. სამეცნიერო–პრაქტიკულ ხელმძღვანელობას უწევს სხვადასხვა დაწესებულებიდან ექიმ–ლაბორანტთა კვალიფიკაციის ამაღლებას. მიკრობიოლოგი, იმუნოლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "კონსერვირებული სისხლის, პლაზმისა და შრატის ბაქტერიოლოგიური შეფასება", დაიცვა 1964 წელს.

სადოქტორო დისერტაციის თემა - "მიელომური დაავადების სხვადასხვა ფორმის შედარებითი შეფასება ლაბორატორიული და კლინიკური მონაცემების საფუძველზე", 1985 წელს

• ინსტიტუტის სამეცნიერო საბჭო, წევრი
• საქართველოს ომის, შრომისა და შეიარაღებული ძალების ვეტერანთა ორგანიზაცია, წევრი

• 1946 - მედალი "ჯანმრთელობის დაცვის ფრიადოსანი"
• 1946 - მედალი "სამამულო ომის დროს თავდადებული შრომისთვის"
• 1945 - მედალი "კავკასიის დაცვისთვის"