ნატალი საბანაძე

დაბადების ადგილი: ქ. თბილისი.
დაამთავრა აშშ-ს სვართმორის და მოუნთ ჰოლიოკის კოლეჯები, მიიღო საერთაშორისო ურთიერთობების სფეროში ბაკალავრის ხარისხი 1997 წელს; ლონდონის ეკონომიკის სკოლა, მიიღო საერთაშორისო ურთიერთობების სფეროში მაგისტრის ხარისხი 1999 წელს; ოქსფორდის უნივერსიტეტი, მიენიჭა პოლიტიკისა და საერთაშორისო ურთიერთობების დოქტორის ხარისხი 2005 წელს.
2011-2013წწ. იყო ეროვნულ უმცირესობათა საკითხებში ეუთო-ს უმაღლესი კომისრის კაბინეტის აღმოსავლეთ ევროპის, კავკასიისა და ცენტრალური აზიის განყოფილების უფროსი; 2010-2011წწ. ეროვნულ უმცირესობათა საკითხებში ეუთო-ს უმაღლესი კომისრის კაბინეტის ცენტრალური და სამხრეთ-აღმოსავლეთ ევროპის განყოფილების უფროსი; 2005-2010წწ. ეროვნულ უმცირესობათა საკითხებში ეუთო-ს უმაღლესი კომისრის უფროსი პოლიტიკური მრჩეველი; 1999-2000წწ. აშშ-ს საელჩო საქართველოში, პოლიტიკური ოფიცერი. სხვადასხვა პერიოდში მუშაობდა მიწვეულ მკვლევრად, გერმანიაში, უმცირესობების საკითხებზე მომუშავე ევროპულ ცენტრში და ესპანეთში დეუსტოს უნივერსიტეტში; 2013-2021წწ.  საქართველოს საგანგებო და სრულუფლებიანი ელჩი ბელგიის სამეფოსა და ლუქსემბურგის დიდ საჰერცოგოში და ევროკავშირთან საქართველოს მისიის ხელმძღვანელი. მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.140