მიხეილ ცისკარიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-ჰიდროტექნიკოსის კვალიფიკაციით 1952 წელს.

1952-1966წწ. - საპროექტო ინსტიტუტი "საქსახწყალპროექტი", ინჟინერი; 1966-1968წწ. - ტრესტი "ალაზანმშენის" ახმეტის სამშენებლო სამმართველოს მთავარი ინჟინერი; 1972-1979წწ. - საქართველოს ჰიდროენერგეტიკული მშენებლობის ფლაგმანის "ენგურჰესის" მშენებლობის უფროსი, "საქჰიდროენერგომშენის" ხელმძღვანელი; 1979 წლიდან - ტრესტ "საქჰიდროენერგომშენის" მმართველი და ამავდროულად ენგურჰესიის კასკადის მშენებლობის უფროსი; 1984 წლიდან - სამშენებლო-სამონტაჟო გაერთიანების "საქჰიდროენერგომშენის" უფროსი; 1995 წლიდან სახელმწიფო ჰოლდინგური კომპანია "ჰიდროენერგომშენის" პრეზიდენტი. დიდია მისი დამსახურება რესპუბლიკის ენერგეტიკული ბაზის განვითარების საქმეში. მისი უშუალო ხელმძღვანელობით აშენდა ვარციხის ჰესების კასკადი, ჟინვალჰესი, თბილსრესის მე-9 და მე-10 ენერგობლოკები, მრავალი სამრეწველო და კულტსაყოფაცხოვრებო დანიშნულების ობიექტი, ასევე ქალაქ თბილისში მნიშვნელოვანი საინჟინრო ნაგებობები. თბილისის ერთ-ერთ ქუჩას მიენიჭებული აქვს მიხეილ ცისკარიშვილის სახელი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.225; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.401

• კომპარტიის ცკ, წევრი (1976-)
• საქართველოს კომპარტიის XXVI-XXVII ყრილობა, დელეგატი
• სკკპ, წევრი (1957-)
• სკკპ XXV ყრილობა, დელეგატი
• სსრკ IX-XI მოწვევათა უმაღლესი საბჭო, დეპუტატი

• 1982 - სსრკ სახელმწიფო პრემია
• 1981 - სსრკ საპატიო ენერგეტიკოსი
• 1979 - სოციალისტური შრომის გმირი
• 1979 - საქართველოს დამსახურებული ინჟინერი
• შრომის წითელი დროშის ორდენი
• ლენინის ორდენი