ჯემშიდ გიუნაშვილი

დაბადების ადგილი: ქ. თეირანი(ირანი).

დაამთავრა ქ. ტაშკენტის შუა აზიის სახელმწიფო უნივერსიტეტის ირანულ-ავღანური ფილოლოგიის განყოფილება 1953 წელს.

იგი დაიბადა ემიგრანტ ინჟინერ შალვა გიუნაშვილის ოჯახში; 1947 წელს გიუნაშვილების ოჯახი რეპატრიაციის წესით დაბრუნდა საქართველოში, ხოლო 1951 წელს გადასახლებული იქნა სამხრეთ ყაზახეთში. 1956-1958წწ. მუშაობდა სპარსული ენის მასწავლებლად ქ. ტაშკენტის უნივერსიტეტში; 1958-1994წწ. სხვადასხვა თანამდებობებზე საქართველოს მეცნიერებათა აკადემიის  სისტემასა და თბილისის სახელმწიფო უნივერსიტეტში; 1994-2004წწ. ირანის ისლამურ რესპუბლიკაში საქართველოს პირველი საგანგებო და სრულუფლებიანი ელჩი; მისი სახელმძღვანელოებითა და ანალიტიკური გამოცემებით სარგებლობდენ მსოფლიო ირანისტიკის საკვანძო სამეცნიერო-საუნივერსიტეტო ცენტრების ლინგვისტები გერმანიაში, საფრანგეთში, იტალიაში, შეერთებულ შტატებში; ანალიტიკური-საინფორმაციო ნარკვევების დამკვეთები იყვნენ  American Heritage და სხვა საენციკლოპედიო გამოცემები; მისი საერთაშორისოდ აღიარებული სპარსული ენის ფონეტიკა ჯერჯერობით ერთადერთი ფუნდამენტური ნაშრომია, რითაც ხელმძღვანელობენ მსოფლიოს ირანისტები; ჯემშიდ გიუნაშვილს განსაკუთრებული ღვაწლი მიუძღის მათემატიკური ლინგვისტიკის მეთოდოლოგიის განვითარებასა და ლინგვისტურ კვლევებში მონაცემთა ელექტრონული გადამუშავების მიდგომების დანერგვაში; იგი დიდ ყურადღებას უთმობდა ფერეიდნული დიალექტის შენარჩუნება-აღორძინების საკითხებს. მისი ძალისხმევით გზა გაეხსნა თანამედროვე ქართული - ფერეიდნული ლექსიკონის გამოცემას. მისი მეურვეობით ფერეიდნელების, განსაკუთრებით ფერეიდანის ახალგაზრდების საჭიროებებზე მორგებული მრავალი სახელმღვანელო და საინფორმაციო წიგნი გამოიცა და გავრცელდა. ლინგვისტი, ირანისტი.

წყარო: საქართველო: ენციკლოპედია, ტ. 2. - თბ., 2012. - გვ. 37-38; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.59

• 2010 - წლის საუკეთესო წიგნის ლაურეატი
  ირანის ისლამური რევოლუციის გამარჯვების 31-­ე წლისთავთან დაკავშირებით
• ირანის უმაღლესი სამეცნიერო პრემია

• ორმოცდაათი წლის მონაგარი : რჩეული ნარკვევები ირანისტიკასა და საქართველო-ირანის ისტორიულ-კულტურული ურთიერთობების შესახებ (ავტორი). - თბილისი, უნივერსალი, 2012. - 247გვ.
• ირანის ისლამური რესპუბლიკის კონსტიტუცია : არაოფიც. თარგმანი (წინასიტყ. ავტორი). - 2011. - 91გვ.
• "თარიხ-ე სისტანის" თბილისური ნუსხა (ავტორი). - თბილისი, 1971. - 75გვ.
• ქართულ-სპარსული და სპარსულ-ქართული ჯიბის ლექსიკონი (ავტორი). - 1971. - 263გვ.