ვიქტორ გოცირიძე

დაბადების ადგილი: ამბროლაურის რაიონი, სოფელი ხოტევი.

დაამთავრა მოსკოვის საგზაო–საავტომობილო ინსტიტუტი 1934 წელს.

1934-1937წწ. მუშაობდა მოსკოვის მეტროპოლიტენის მშენებლობაზე შახტის ცვლის ინჟინრად, ხოლო შემდეგ ცვლის უფროსად; 1941-1946წწ. ამიერკავკასიის ფრონტის შტაბის სამხედრო მიმოსვლების უფროსის თანაშემწედ; 1946-1952წწ. ამიერკავკასიის რკინიგზის სამგზავრო სამსახურის უფროსის მოადგილედ, შემდეგ ამავე სამსახურის უფროსად; 1952 წლიდან იყო "თბილმეტრომშენის" სამმართველოს უფროსის მოადგილე; 1957-1987წწ. სამმართველოს უცვლელი უფროსი; 1987 წლიდან ამავე სამმართველოს მთავარი სპეციალისტი(პენსიაში გასვლის შემდეგ); მის სახელთან არის დაკავშირებული თბილისის მეტროპოლიტენის 27 კმ-იანი ხაზის, მისი 21 სადგურისა და სარკინიგზო გვირაბის მშენებლობა, როგორც საქართველოში, ასევე სამხრეთ და ჩრდილოეთ კავკასიის სხვა რესპუბლიკებში, სოფლის მეურნეობის დანიშნულების რიგი მსხვილი ობიექტები, რკინიგზის ვაგზლები(სოხუმი, გაგრა, სოჭი, ტუაფსე, ბორჯომი), ახმეტა–ომალოს საავტომობილო გზა; მისი სახელობის იყო მეტროპოლიტენის სადგური "დელისი"(1995-2006), შემდეგ მისი სახელი ეწოდა მეტროს სადგურ "ელექტროდეპოს"(2011); მიღებული აქვს სახელმწიფო ჯილდოები, მათ შორის საბრძოლო ორდენები და მედლები; ინჟინერ–გვირაბმშენებელი.

წყარო: საქართველო: ენციკლოპედია: ტ.2. – თბ., 2012. – გვ.129

• სსრკ VI-VIII მოწვევის უმაღლესი საბჭო, დეპუტატი

• 1988 - თბილისის საპატიო მოქალაქე
• 1980 - სოციალისტური შრომის გმირი
• 1977 - სსრკ სახელმწიფო პრემია
• 1961 - საქართველოს დამსახურებული ინჟინერი
• 1944 - საპატიო რკინიგზელი