ძირწითელა
NPLG Wiki Dictionaries გვერდიდან
ძირწითელა – (Echium biebersteinii Lacaita); ოჯახი: ლაშქარასებრნი (Boraginaceae). ორწლიანი ბალახოვანი მცენარეა, მოკლე, უხეში და გაფარჩხული ბეწვით მოფენილი, სიმაღლე – 30-100 სმ. ძლიერ დატოტვილი, ფესვთანური ფოთლები 30 სმ-მდე სიგრძისაა, ლანცეტა ფორმის. ღეროსეული ფოთლები ვიწრო-ლანცეტაა, ყვავილედი ძლიერ დატოტვილია. გვირგვინი მოთეთრო-მოვარდისფროა და შებუსული. ყვ. VI; ნაყ. VIII. გავრცელებულია მშრალ, ქვიან ადგილებში, ნათესებში. კახეთში მისი ნახვა შესაძლებელია თითქმის ყველგან. ცნობილია მთელ საქართველოშიც.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
