ნოზაძე რამაზ

00:44, 18 თებერვალი 2021-ის ვერსია

რამაზ ნოზაძე - დაიბადა 16.10.1983, თბილისში.ქართველი სპორტსმენი, ბერძნულ-რომაული სტილის მოჭიდავე (96 კგ). 2004 წლის ათენის XXVIII ოლიმპიური თამაშები ­ ვერცხლის პრიზიორი, 2008 წლის პეკინის XXIX ოლიმპიური თამაშების მონაწილე (XII ადგილი). მსოფლიოს ჩემპიონი (2007) და მესამე პრიზიორი (2003), ევროპის ორგზის ჩემპიონი (2003, 07) და მესამე პრიზიორი (2008), მსოფლიო თასის ორგზის მფლობელი (2003, 04) და ევროპის თასის (2004) მფლობელი. ევროპისა (2003) და მსოფლიოს (2003) პირველობების გამარჯვებული ახალგაზრდებში. საქართველოს წლის საუკეთესო სპორტსმენი (2007), ღირსების ორდენის კავალერი.

2004 წლის ოლიმპიური თამაშები
96 კგ, 22 მონაწილე
1. კარამ იბრაჰიმი (ეგვიპტე)
2. რამაზ ნოზაძე (საქართველო)
3. მეჰმეტ ოზალი (თურქეთი)
I წრე ­ ქულებით (3:1) მოუგო მირკო ენგლიჩს (გერმანია); II წრე ­ ქულებით (3:1) სძლია დავით სალდაძეს (უკრაინა); III წრე ­ ქულებით (3:0) დაამარცხა გიორგი კოღუაშვილი (რუსეთი); ნახევარფინალში ქულებით (4:2) გაიმარჯვა მასუდ ჰაშემზადენთან (ირანი) შეხვედრაში; ფინალში წმინდად (3,22) წააგო კარამ იბრაჰიმთან (ეგვიპტე).

წყარო

• ოლიმპიური ორტომეული