სამოციქულო
NPLG Wiki Dictionaries გვერდიდან
სამოციქულო — ახალი აღთქმის გარკვეული ნაწილი (საქმე მოციქულთა 7 ე. წ. კათოლიკე ეპისტოლე, 14 ეპისტოლე პავლე მოციქულისა, გამოცხადება ანუ აპოკალიფსი იოანე ღვთისმეტყველისა). სამოციქულოს უძველესი ქართული ნუსხები ნაკლებად შემონახულა. X ს-ში (975-978 წწ.) ექვთიმე ათონელს უთარგმნია აპოკალიფსი და რამდენიმე ეპისტოლე. უფრო ნაყოფიერი გამოდგა ამ მხრივ გიორგი ათონელის მოღვაწეობა. მან თარგმნა „პავლე სრული და საქმე მოციქულთა და კათოლიკენი მოციქულთანი“. ეს თარგმანი კანონიკურად იყო მიჩნეული.
