2015-01-31

"9 + 1" - ნაციონალთა სისასტიკის მხატვრულ-დოკუმენტური სერიალი

ნაციონალური მოძრაობის ცხრაწლიან მმართველობაზე მხატვრული ფილმის რეჟისორობაზე შეთავაზება გოგა ხაინდრავამ ბიძინა ივანიშვილისგან მიიღო.
"ჯერ გადაწყვეტილი არაფერია, მაგრამ უკვე მივიღე შემოთავაზება და მოლაპარაკებები მიმდინარეობს. ჯერ ვერ გეტყვით, რა ტიპის ფილმი იქნება, ჩამოყალიბების პროცესში ვართ. შემოთავაზება უშუალოდ ბატონი ბიძინა ივანიშვილისგან მივიღე. ბევრი მიფიქრია მსგავსი ტიპის პროექტზე და რა იქნება, წინასწარ ვერ ვიტყვი. მოლაპარაკებებში პვთ-იც არის ჩართული", - აღნიშნა ხაინდრავამ.
მისივე თქმით, ფილმზე მუშაობა თებერვლიდან დაიწყება. "მარტივი პროექტი, მით უმეტეს კინო პროექტი ბუნებაში არ არსებობს. მე პროფესიით კინორეჟისორი ვარ, ეს საქმე ვიცი ყველაზე კარგად, ამიტომ არა მგონია, გამიჭირდეს გადაღება. საკუთარი მონახაზებიც მაქვს, პერსონაჟებსაც ვიცნობ და საბოლოოდ თუ გადაწყდება, რომ მე უნდა ვიყო ამის რეჟისორი, ნამდვილად არ გამიჭირდება პროექტის გაკეთება", - აღნიშნა ხაინდარავამ.
მისთვის უცნობია, კიდევ ვინმესთან თუ მიმდინარეობს მოლაპარაკება.
კითხვაზე, თავად ბიძინა ივანიშვილი თუ ჩაერევა გადაღებებში, განაცხადა, რომ არ ჩაერევა. "რას ნიშნავს ჩაერევა. ეს მითები და პოლიტიკური მაქინაციები იმ ხალხის მოგონილია, ვინც არასდროს ყოფილა მის მიმართ კეთილგანწყობილი. ბიძინა ივანიშვილი თავის საქმეს აკეთებს. ჩვენ ვისაუბრეთ ამ პროექტის შესახებ, მაგრამ კინოს მე გადავიღებ", - განმარტა ხაინდრავამ.
ბიძინა ივანიშვილის განცხადებით, ის ნაციონალური მოძრაობის ცხრაწლიან მმართველობაზე მხატვრულ ფილმს იღებს, სათაურით "9(1". როგორც ივანიშვილმა "იმედისთვის" მიცემულ ინტერვიუში აღნიშნა, ფილმი მრავალსერიანი იქნება, დაახლობით 200 სერია. მხატვრული ფილმი ბერა ივანიშვილის სატელევიზიო არხზე, პვთ-ზე გავა.

სექტემბერი  2015

ორშ   

სამ   

ოთხ   

ხუთ   

პარ   

შაბ   

კვ