.- როგორ ხდება ვაკანსიების გამოცხადება და რა პროცესები უნდა გაიაროს სტუდენტმა რათა შეძლოს ერთიდან მეორე უმაღლეს სასწავლებელში სწავლის გაგრძელება?

სტუდენტური ნეწს-ის კითხვას განათლების აკრედიტაციის ეროვნული ცენტრის წარმომადგენელი მაკა ადვაძე პასუხობს:

- უმაღლესი საგანამანათლებლო დაწესებულებებისათვის ვაკანსიებზე განაცხადების მიღების ვადას აცხადებს ცენტრი. განაცხადების მიღების შემდეგ ხდება ვაკანტური ადგილების განთავსება ცენტრის ვებგვერდზე. სტუდენტს შეუძლია შეარჩიოს ამ ჩამონათვალიდან მისთვის სასურველი უმაღლესი საგანმანათლებლო დაწესებულება. იგი განაცხადს აკეთებს ამ დაწესებულებაში (შეუძლია განაცხადი გააკეთოს ოთხ ადგილას) და თან წარადგენს დოკუმენტებს (პირადობის მოწმობის ასლი, ატესტატის ასლი, პირველ კურსზე ჩარიცხვის ბრძანება ან ბრძანებიდან ამონაწერი, განვლილი საგანმანათლებლო პროგრამა). მიმღები უმაღლესი საგანამანათლებლო დაწესებულება აკეთებს პროგრამულ შესაბამისობას, რომლის საფუძველზე განისაზღვრება საგანმანათლებლო პროგრამიდან რამდენი კრედიტია აღიარებული და რა დონიდან გააგრძელებს სწავლას სტუდენტი. მიღების წინაპირობას ან გადასაყვან გამოცდას აწესებს მიმღები უმაღლესი საგანმანათლებლო დაწესებულება. პირობის დაკმაყოფილების ან გამოცდის წარმატებით გავლის შემთხვევაში სტუდენტს ეცნობება მისი სავარაუდო ჩარიცხვის შესახებ. ყველა გადამსვლელი სტუდენტის დოკუმენტებს ამოწმებს ცენტრი. სტუდენტების ჩარიცხვა ხდება მათი ჩარიცხვის ბრძანების პროექტზე ცენტრის თანხმობის შემთხვევაში. ამის შემდეგ დაწესებულება ძველი სასწავლებლიდან გამოითხოვს სტუდენტის დოკუმენტაციას და რეგისტრირდება ჩარიცხვის ბრძანება.