2015-01-31

22 118 ტონა მანდარინის ექსპორტი საქართველოდან

როგორც სოფლის მეურნეობის სამინისტროდან იტყობინებიან, 31 იანვარს სამრეწველო გადამუშავებისთვის განკუთვნილი მანდარინის რეალიზაციის ხელშეწყობის ღონისძიება სრულდება.
სამინისტროს ინფორმაციით, ფერმერებმა ჯამში 10 345 ტონა სამრეწველო გადამუშავებისთვის განკუთვნილი მანდარინი ჩააბარეს. პროგრამაში მონაწილეობის შედეგად, ბენეფიციარებმა მიიღეს 2 127 000 ლარის შემოსავალი, აქედან სახელმწიფო სუბსიდიის თანხამ 1 035 000 ლარი შეადგინა.
სამინისტროს განცხადებით, ბათუმში გამართულ შეხვედრაზე სამრეწველო გადამუშავებისთვის განკუთვნილი მანდარინის რეალიზაციის ხელშეწყობის პროგრამის შედეგები სოფლის მეურნეობის მინისტრის მოადგილემ ლევან დავითაშვილმა, სოფლის მეურნეობის პროექტების მართვის სააგენტოს ხელმძღვანელმა მარიანა მორგოშიამ, აჭარის მთავრობის ხელმძღვანელმა არჩილ ხაბაძემ და აჭარის სოფლის მეურნეობის მინისტმა ზაურ ფუტკარაძემ შეაჯამეს.
"საქართველოს მთავრობის ხელშეწყობით, სოფლის მეურნეობის სამინისტრომ და სოფლის მეურნეობის პროექტების მართვის სააგენტომ სამრეწველო გადამუშავებისთვის განკუთვნილი მანდარინის რეალიზაციის ხელშემწყობი ღონისძიება 2014 წლის 24 ნოემბრიდან დაიწყო. პროექტის ფარგლებში, კომპანიებმა, რომლებმაც 1 კგ სამრეწველო გადამუშავებისთვის განკუთვნილ მანდარინი არანაკლებ 0.20 ლარად შეისყიდეს, სოფლის მეურნეობის პროექტების მართვის სააგენტოსგან 1 კგ მანდარინზე 0.10 ლარის ოდენობის სუბსიდია მიიღეს", - აცახადებენ სამინისტროში.

ინტერპრესი

სექტემბერი  2015

ორშ   

სამ   

ოთხ   

ხუთ   

პარ   

შაბ   

კვ