ქართულ და ინგლისურ ენებზე შედგენილი კრებული წარმოადგენს ქართველურ ენათა ანდაზებში ლინგვისტური კვლევის პრობლემური საკითხების წარმოჩენისა და კომპლექსურად გააზრების ცდას. ქართული, მეგრული ლაზური და სვანური ანდაზების ენობრივი ანალიზი არაერთ საყურადღებო საკითხს წამოსწევს როგორც საკუთრივ ქართველოლოგიური, ისე ზოგადტიპოლოგიური თვალსაზრისით. ნაშრომში განხილული თეორიული და პრაქტიკული საკითხები განკუთვნილია ჰუმანიტარული დარგის სპეციალისტებისთვის, სტუდენტებისთვის და ზოგადად ქართველი ხალხის ისტორიით, ყოფა-ცხოვრებითა და ეროვნულ-სპეციფიკური ნიშნებით დაინტერესებული საზოგადოებისათვის.