ლევან უჯმაჯურიძე

     ლევან უჯმაჯურიძე დაიბადა 1958 წლის 25 ივლისს. 1981 წელს დაამთავრა საქართველოს სასოფლო-სამეურნეო ინსტიტუტის მებაღე-მევენახეობისა და ტექნოლოგიის ფაკულტეტი, 1987 წელს – მებაღეობა მევენახეობისა და მეღვინეობის ს/კ ინსტიტუტის ასპირანტურა. 1996, 2003, 2004, 2005, 2007 წლებში გაიარა სასწავლო-სამეცნიერო სტაჟირება გერმანიასა და საფრანგეთში. 1981- 2010 წლებში მუშაობდა მებაღეობა, მევენახეობისა და მეღვინეობის ს/კ ინსტიტუტში მეცნიერ-თანამშრომლად, უფროს მეცნიერ თანამშრომლად, წამყვან მეცნიერ თანამშრომლად, სექტორის გამგედ, განყოფილების გამგედ.

    ბატონი ლევანი არის სოფლის მეურნეობის მეცნიერებათა დოქტორი, სრული პროფესორი. ერთი მონოგრაფიის, 1 გამოგონების და 38 სამეცნიერო ნაშრომის ავტორი. 2010 წელს იყო ვაზისა და ღვინის საერთაშორისო ორგანიზაციის OIV 33-ე კონგრესის მევენახეობის კომისიის სამეცნიერო თავმჯდომარე. 2007 წლიდან ა(ა)იპ "აგრო" ვაზისა და ხეხილის სარგავი მასალის წარმოების ეროვნული ცენტრის ხელმძღვანელია. 2011 წლიდან – ევროკავშირის პროექტის Cost action FA - 1003 GRAPENET (ვაზის გენეტიკური რესურსების დაცვა) შემსრულებელი, სსიპ ღვინის ეროვნული სააგენტოს თავმჯდომარის სამეცნიერო კონსულტანტი.

     წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 189 გვ.