ჯემალ ახვლედიანი

    ჯემალ ახვლედიანმა 1958 წელს დაამთავრა ქუთაისის სასოფლო - სამეურნეო ინსტიტუტის ტექნოლოგიური ფაკულტეტი და მიენიჭა მეღვინის კვალიფიკაცია. 1958 წელს მუშაობას იწყებს "სამტრესტის" ცაგერის ღვინის ქარხნის ორბელის ღვინის ქარხანაში მეღვინე - ბრიგადირად, შემდგომ ლაბორატორიის გამგედ, მოგვიანებით გადაჰყავთ წარმოების გამგედ ცაგერის სათავო ღვინის ქარხანაში, სადაც იმუშავა 1991 წლამდე. 1991-1996 წლებში "სამტრესტი"–ს ქუთაისის ღვინის ქარხანაში სამაცივრო საამქროს უფროსია.

   ჯ. ახვლედიანმა, 1996 წელს, ჩამოაყალიბა შპს "ლეჩხუმი - 96". 2008 წელს – შპს "ვაზი 2008", რომლის გენერალური დირექტორი გახდა.

   არის გაზეთ "სარკმელი საქართველოდან" მევენახეობისა და მეღვინეობის განყოფილების გამგე.

   მიღებული აქვს მთავრობის ჯილდოები.

   წყარო: სამტრესტი და სამტრესტელები 85, 1929-2014 : [მონოგრაფია] / ბონდო კალანდაძე; თბილისი: პეტიტი, 2014. - 347 გვ.