ოპერის, ბალეტის, ორატორიის, დრამის, შესავალი საორკესტრო პიესა, რომელიც ახდენს მსმენელის, მაყურებლის ყურადღების კონცენტრაციას, შეჰყავს სპექტაკლის ემოციურ ატმოსფეროში. უვერტიურა გადმოსცემს ნაწარმოების იდეურ ჩანაფიქრს, კოლორიტს. პირველი უვერტიურა ეკუთვნის მონტევერდის (ოპერისათვის „ორფეოსი“ - 1607 წ.). XVIII ს-ში მოცარტის, გლიუკის შემოქმედებაში ჩამოყალიბდა სონატური ალეგროს ფორმის მქონე უვერტიურა. უვერტიურას, რომელიც ამ ფორმაში არ არის დაწერილი, ხშირად „შესავალს“ უწოდებენ. ოპერეტების უვერტიურები, ჩვეულებრივ პოპურის სტილისაა. XIX ს-ში ჩამოყალიბდა საკონცერტო უვერტიურის ჟანრი, რომელიც, ძირითადად, პროგრამული შინაარსისაა (მენდელსონი, „ზაფხულის ღამის სიზმარი“).
წყარო: ხელოვნება : მოკლე ენციკლოპედიური ლექსიკონი : მოსწ. / [შემდგ.: ნანა მაჭარაშვილი ; რედ.: ჰამლეტ ჩხენკელი ; მუსიკის შესახებ მასალები მოამზადა ნინო ბესტავაშვილმა]. - თბ. : მერიდიანი, 2004. - 80გვ. : ილ. ; 28სმ.. - ISBN 99928-32-31-2 : [ფ.ა.][MFN: 22803]