გიული მეგრელიშვილი

დაბადების ადგილი: ქ. ბორჯომი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1966 წელს.

1966–1967წწ. იყო რუსთავის ბავშვთა საავადმყოფოს ექიმი–პედიატრი; 1967–1969წწ. თბილისის ბავშვთა N2 საავადმყოფოს ექიმი პედიატრი; 1969–1971წწ. თბილისის სახელმწიფო სამედიცინო ინსტიტუტის ბავშვთა სნეულებათა პროპედევტიკისა და საფაკულტეტო პედიატრიის კათედრის უფროსი ლაბორანტი; 1971–1997წწ. ამავე კათედრის ასისტენტი; 1997 წლიდან დოცენტი. ავტორია 52 სამეცნიერო ნაშრომის და 4 მონოგრაფიის. არის ბავშვთა აღზრდის ეროვნული პროგრამის პედიატრიული ნაწილის პასუხისმგებელი შემსრულებელი.

საკანდიდატო დისერტაციის თემა - "სისხლის სისტემის მონოფუნქციონალურ მაჩვენებელთა მნიშვნელობა გლომერულონეფრიტის დროს ბავშვებში", დაიცვა 1980 წელს.

• საერთაშორისო ნეფროლოგთა კავშირი, წევრი
• საქართველოს პედიატრიული საზოგადოება, წევრი

• თირკმლის ქრონიკული დაავადება ბავშვთა ასაკში (თანაავტორი). - თბილისი, საქართველო, 1990. - 215 გვ.
• გლომერულოპათია ბავშვთა ასაკში (თანაავტორი). - თბილისი, საბჭოთა საქართველო, 1988. - 166 გვ.