ლუბა ლუბარსკაია

დაამთავრა თბილისის სახელმწიფო სამედიცინო ინსტიტუტი 1944 წელს.

1945–1982წწ. იყო თბილისის ტრამვატოლოგიისა და ორთოპედიის სამეცნიერო–კვლევითი ინსტიტუტის ნეიროქირურგიის განყოფილების ექიმი–ნევროპათოლოგი, 1982–1996წწ. თბილისის ბავშვთა რეაბილიტაციის რეაპუბლიკური ცენტრის ექიმი–ელექტროფიზიოლოგი. გამოქვეყნებული აქვს სამეცნიერო ნაშრომები, რომლებშიც გაშუქებულია თავის ტვინის ცისტიცერკოზის კლინიკა და პათომორფოლოგია, ქრონაქსიმეტრიის დიაგნოსტიკური მნიშვნელობის ახალი მონაცემები თავის ქალის უკანა ფოსოს სიმსივნეების დროს, ნათხემ–ხიდის კუთხის სიმსივნეების კლინიკა და სიმპტომატოლოგია, ჰიდროცეფალურ–ჰიპერტენზიური სინდრომის კლინიკის საკითხი თავის ტვინის სიმსივნური დაავადებისას, თავის ქალის უკანა ფოსოს არაქნოდიტების კლინიკისა და დიაგნოსტიკის საკითხი, თავის ქალის უკანა ფოსოს სიმსივნეების ტიპიური და დიფერენციული დიაგნოსტიკა, თავის ტვინის ზოგიერთი ღეროვანი წარმონაქმნის როლი ნათხემის სიმპტომების პათოგენეზში. სამეცნიერო–ხელმძრვანელობას უწევდა ქალაქისა და რაიონებიდან მივლინებულ ექიმთა სპეციალიზაციას ელექტროფიზიოლოგიაში. მოღვაწეობდა ისრაელში. ნევროპათოლოგი, ელექტროფიზიოლოგი, მედიცინის მეცნიერებათა კანდიდატი.

საკანდიდატო დისერტაციის თემა – "თავის ქალის უკანა ფოსოს სიმსივნეებისკლინიკისა და დიაგნოსტიკის საკითხისათვის", დაიცვა 1965 წელს.

• თბილისის ნევროლოგთა საზოგადოება, წევრი