ვახტანგ კურცხალია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1942 წელს.

1942–1943წწ. იყო საგარეჯოს, 1944 წელს თიანეთის, 1945 წელს თეთრიწყაროს სახალხო სანიტარული ინსპექტორი; 1952 წლიდან მუშაობდა თბილისის ექიმთა დახელოვნების ინსტიტუტში №1 მეან–გინეკოლოგიური კათედრის ასისტენტად, 1966 წლიდან დოცენტად, 1975 წლიდან პროფესორია. 1973–1976წწ. იყო რესპუბლიკის მთავარი მეან–გინეკოლოგი. ავტორია 105 სამეცნიერო ნაშრომისა, რომლებიც ეხება მეანობა–გინეკოლოგიის აქტუალურ საკითხებს. მისი ხელმძღვანელობით დაცულია ორი საკანდიდატო დისერტაცია(1976, 1979). მეან–გინეკოლოგი, მედიცინის მეცნიერებათა დოქტორი, პროფესორი(1975).

საკანდიდატო დისერტაციის თემა – "ჰიპოოვარიულ მოშლილობათა ახტალის ტალახით მკურნალობა", დაიცვა 1964 წელს.

სადოქტორო დისერტაციის თემა – "ქალის შინაგანი სასქესო ორგანოების მწვავე ანთების მკურნალობა დეციმეტრული ტალღებით", დაიცვა 1973 წელს.

• საკავშირო მეან–გინეკოლოგიის საზოგადოების პლენუმი, წევრი (1973-1976)
• საქართველოს მეან–გინეკოლოგიის საზოგადოება, წევრი

• 1985 - შრომის ვეტერანი
• 1975 - მედალი "დიდ სამამულო ომში გამარჯვების 30 წლისთავთან დაკავშირებით"
• მედალი "შრომითი მამაცობისთვის"