გურამ კაპანაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1958 წელს.

1952–1962წწ. მუშაობდა საქართველოს სსრ ჯანმრთელობის სამინისტროს ექიმთა დახელოვნების თბილისის სახელმწიფო ინსტიტუტის პათანატომიის კათედრაზე; 1963–1967წწ. იყო კათედრის ასისტენტი; 1967–1975წწ. მუშაობდა თერაპიის სამეცნიერო კვლევითი ინსტიტუტის ინფარქტის განყოფილებაში; 1975 წლიდან ამავე ინსტიტუტის რეაბილიტაციის განყოფილების უფროსი მეცნიერ–თანამშრომელია. ავტორია 52 სამეცნიერო ნაშრომისა, რომლებიც ძირითადად ეხება კარდიოლოგიურ პრობლემებს. გამოქვეყნებული აქვს მონოგრაფიები. არის ექიმი კარდიოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "ფილტვების პათომორფოლოგიური ცვლილებები ადამიანის პერინატალურ პერიოდში", დაიცვა 1965 წელს. 

• საქართველოს თერაპევტთა საზოგადოება, წევრი
• საქართველოს კარდიოლოგთა ასოციაცია, წევრი
• საქართველოს მწერალთა კავშირი, წევრი

• ფილტვების პათომორფოლოგიური ცვლილებები ადამიანის პერინატალურ პერიოდში. (ავტორი). - თბილისი, საბჭოთა საქართველო, 1964. - 76 გვ.