ნიკოლოზ კამალოვი

დაბადების ადგილი: ქ. თელავი.

დაამთავრა მოსკოვის სამედიცინო ინსტიტუტი 1924 წელს.

მუშაობდა თბილისში პარაზიტოლოგიისა  და ტროპიკული მედიცინის სამეცნიერო-კვლევით ინსტიტუტში 1930-1953 წლებში ჰელმინთოლოგიის განყოფილების გამგედ;  1953- 1963 წლებში თბილისის ექიმთა დახელოვნების ინსტიტუტში ხელმძღვანელობდა ეპიდემიოლოგიის, მიკრობიოლოგიისა და ლაბორატორიული დიაგნოსტიკის კათედრას, ხოლო 1962 წლიდან კლინიკური ლაბორატორიის დიაგნოსტიკის კათედრის გამგე იყო. ნ. კამალოვი სწავლობდა ანკილოსტომიდოზს, პაპატაჩისა და ლეიშმანიოზის გადამტანების საკითხებს; შეიმუშავა ამებიაზის, ლამბლიოზისა და ჰიპოქრომული ანემიის მკურნალობის მეთოდები. პარაზიტოლოგი, მედიცინის მეცნიერებათა დოქტორი(1941), პროფესორი(1946).

• საქართველოს მეცნიერებათა დამსახურებული მოღვაწე (1961-)
• შრომის წითელი დროშის ორდენი

• ადამიანის ჰელმინტოზების მკურნალობა : სახელმძღვანელო ექიმთათვის (ავტორი). - თბილისი, საქმედგამი, 1947. - 44 გვ.
• ადამიანის ჰელმინტოზების მკურნალობის მოკლე სახელმძღვანელო (ავტორი). - თბილისი, საქმედგამი, 1940. - 47 გვ.