გიორგი ბოჭორიშვილი

დაბადების ადგილი: ქ. ტყიბული.

დაამთავრა თბილისის სახელმწიფო სამედიცინო ინსტიტუტი 1941 წელს.

1941-1942წწ. მონაწილეობდა დიდ სამამულო ომში. 1960-1974წწ. იყო თბილისის სამედიცინო ინსტიტუტის ჰოსპიტალური ქირურგიის კათედრის პროფესორი; 1974-1981წწ. ზოგადი ქირურგიის კათედრის გამგე; გამოიკვლია ცენტრალური ნერვული სისტემის როლი ძვლის ქსოვილის რეგენერაციაში; ერთ-ერთმა პირველმა დანერგა საქართველოში თრომბოემბოლიური დაავადების აქტიური მკურნალობის მეთოდი; 1981 წლიდან ჰოსპიტალური ქირურგიის პროფესორია; ავტორია 110 სამეცნიერო ნაშრომის და 18 წიგნის. ექიმი–ქირურგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "სპინური ანესთეზია სოლკაინით", დაიცვა 1949 წელს.

სადოქტორო დისერტაციის თემა -"ცენტრალური ნერვული სისტემის უმაღლესი ნაწილების როლი ძვლის რეგენერაციაში", დაიცვა 1956 წელს ლენინგრადში, პავლოვის ინსტიტუტში.

• საქართველოს ქირურგთა საზოგადოება, მდივანი (1960-)
• საქართველოს ქირურგთა საზოგადოება, წევრი (1942-)

• 1998 - ღირსების ორდენი
• 1967 - საქართველოს მეცნიერებათა დამსახურებული მოღვაწე
• 1942 - წითელი ვარსკვლავის ორდენი
• 1942 - სამამულო ომის ორდენი

• რა უნდა იცოდნენ მამაკაცებმა პროსტატის კიბოს შესახებ (ავტორი). - თბილისი, საქართველოს მაცნე, 2003. - 64 გვ.. - ISBN: 99928-28-86-2
• ავადმყოფის მოვლა : პრაქტიკული ჩვევები: დამხმარე სახელმძღვანელო სამედიცინო ინსტიტუტის სტუდენტებისათვის (ავტორი). - თბილისი, განათლება, 1988. - 350 გვ.
• თრომბოფლებიტი (ავტორი). - თბილისი, საქ. სსრ მეცნ. აკად. გამ-ბა, 1961. - 86გვ.